بنیادی صفحہ » مزیدار پکوان »

مچھلی کے مزیدار سیخ کباب تیار کریں

مچھلی کے مزیدار سیخ کباب تیار کریں

مچھلی انسانی جسم کی غذائیت کو پورا کرنے کے ساتھ دماغی صحت اور بینائی پر ناقابل یقین مثبت اثرات مرتب کرتی ہے۔
ہفتے میں ایک سے 2 بار باقاعدگی سے مچھلی کھانا دماغی کارکردگی اور بینائی کو بہتر کرتا ہے۔ اس میں موجود چکنائی جسم کے لیے مفید ہے اور یہ جلد اور بالوں کی صحت کے لیے بھی نہایت فائدہ مند ہے۔
مچھلی کے انہی فوائد کو دیکھتے ہوئے آج ہم آپ کو مچھلی کے نہایت لذیذ سیخ کباب بنانے کی ترکیب بتا رہے ہیں۔

اجزا

کانٹے والی مچھلی: 1 کلو
انڈے: 2 عدد
گھی: 4 چائے کے چمچ
سفید زیرہ: 2 چائے کے چمچ
گرم مصالحہ: 2 چائے کے چمچ
سیاہ زیرہ اور لونگ: حسب پسند
سیاہ مرچیں: حسب ضرورت
ہری مرچیں: 5 سے 6 عدد
ہرا دھنیہ: حسب ذائقہ
نمک: حسب ذائقہ

ترکیب

مچھلی کو دھو کر خشک کر لیں اور کھال اتار دیں۔ اس کے بعد مچھلی کا قیمہ بنالیں۔
قیمے میں ہری مرچیں، گرم مصالحہ، ہرا دھنیا، انڈوں کی زردی، سفید زیرہ، گھی اور نمک ملا دیں۔ بقیہ مصالحہ پیس لیں۔
اس کے بعد نم ہاتھوں سے قیمہ سیخوں پر چڑھاتے جائیں اور سیخوں کو ہلکی آنچ پر سینکیں۔
جب کباب سرخی اختیار کر لیں تو ڈش میں نکال لیں۔
گرما گرم مچھلی کے سیخ کباب تیار ہیں۔ چٹنی کے ساتھ تناول کریں۔

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*

%d bloggers like this: