بنیادی صفحہ » مزیدار پکوان »

حیدرآبادی کڑھی کھانا چاہیں گے؟

حیدرآبادی کڑھی کھانا چاہیں گے؟

حیدرآباد دکن کے کھانے دنیا بھر میں نہایت مقبول ہیں۔ ان کھانوں کو عام روایتی کھانوں سے ذرا سا مختلف انداز میں تیار کیا جاتا ہے اور اس انفرادیت کے باعث یہ بے حد پسند کیے جاتے ہیں۔
اسی لیے آج ہم آپ کو لذیذ حیدرآبادی کڑھی بنانے کی ترکیب بتا رہے ہیں۔

اجزا

دہی: 500 گرام
بیسن: آدھا کپ
دھنیہ پاوڈر: 1 چائے کا چمچ
لال مرچ پاؤڈر: حسب ذائقہ
نمک: حسب ذائقہ
ہلدی پاؤڈر: آدھا چائے کا چمچ
ادرک لہسن کا پیسٹ: 1 چائے کا چمچ
پیاز: 1 عدد ۔ باریک کھڑی کاٹ لیں
لہسن کے جوئے: 4 سے 5 عدد
ہری مرچ: 2 عدد
کڑی پتہ: حسب ذائقہ
ہرا دھنیہ، باریک کاٹ لیں

ترکیب

دہی، بیسن، نمک، لال مرچ پاؤڈر، ہلدی پاؤڈر اور ادرک لہسن پیسٹ کو 3 سے 4 کپ پانی ڈال کر مکسر ميں اچھی طرح مکس کر ليں۔
اب برتن میں اس مکس کیے ہوئے اجزا کو ڈال دیں اور اس میں کٹی ہوئی پیاز، لہسن کے جوئے، کڑی پتہ، ہری مرچ ڈال یيں اور خوب اچھی طرح پکائیں۔
تقریباً 30 منٹ دھیمی آنچ پر پکائیں۔
اس کے بعد دھنیہ پاؤڈر ڈال دیں اور مزید 5 منٹ تک پکاتے رہیں۔ دھیان رہے کہ پکاتے ہوئے چمچ سے ہلاتے رہیں ورنہ داغ لگنے کا اندیشہ ہے۔

پکوڑے بنانے کے لیے

اجزا

بیسن: 2 کپ
نمک: حسب ذائقہ
لال مرچ پاؤڈر: حسب ذائقہ
ہلدی پاؤڈر: حسب ذائقہ
ادرک لہسن کا پیسٹ: آدھا چائے کا چمچ
کھانے کا سوڈا: آدھا چائے کا چمچ
ہرا دھنیہ، باریک کاٹ کر ملا لیں
تیل: فرائی کرنے کے لیے

ترکیب

تمام اجزا کو یکجا کرلیں اورنیم گرم پانی میں اچھی طرح مکس کر لیں۔
فرائنگ پان میں تیل اچھی طرح گرم ہونے دیں اور اور چمچ سے چھوٹے چھوٹے پکوڑے ڈال کر تل لیں۔

بگھار کے لیے

اجزا

ثابت زیرہ: 1 چائے کا چمچ
سوکھی لال مرچ ۔ ثابت: 3 سے 4 عدد
کڑی پات: حسب ذائقہ
لہسن کے جوئے: 2 عدد باریک کاٹ لیں
تیل: حسب ضرورت
ہلدی: حسب ضرورت

ترکیب

کڑھی اور پکوڑوں کو یکجا کریں۔ فرائنگ پان میں تیل گرم کریں۔
ثابت زیرہ، سوکھی لال مرچ، کڑی پتہ اور لہسن کے جوئے ڈال دیں اور براؤن ہونے پر ہلدی ڈال کر کڑھی میں بگھار لگا دیں۔
گرما گرم مزیدار حیدرآبادی کڑھی تیار ہے۔

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*

%d bloggers like this: