بنیادی صفحہ » خواتین » 10 چیزیں کبھی مائیکروویو میں مت رکھیں
Try WordPress Hosting Free for 30 Days | Cloudaccess.net

10 چیزیں کبھی مائیکروویو میں مت رکھیں

اگر آپ کو کبھی مائیکروویو اوون کے استعمال میں مشکلات کا سامنا ہوا ہے تو آپ اکیلے نہیں، درحقیقت زندگی میں آسانی لانے کے لیے تیار کی جانے والی یہ مشین ہم میں سے بیشتر افراد کے لیے کسی معمے سے کم نہیں، یہ چیزوں کو فوری گرم کردیتی ہے مگر کئی بار ایسا دھماکہ ہوتا ہے کہ ہوش اڑ جاتے ہیں۔

درحقیقت مائیکروویو نام کی یہ مشین ہر چیز کو گرم کرنے کے لیے نہیں بنی بلکہ کچھ ایسی چیزیں ہیں جنھیں اس میں رکھنا خطرناک ثابت ہوسکتا ہے، ہم نے بھی ان اشیاء کی ایک فہرست تیار کی ہے تاکہ آپ مائیکروویو کو زیادہ اعتماد اور کم نقصان کے ساتھ استعمال کرسکیں۔

لنچ بیگز

کریٹیو کامنز فوٹو
کریٹیو کامنز فوٹو

لنچ بیگز اتنے بھی معصوم نہیں جتنے وہ نظر آتے ہیں۔ کاغذ، پلاسٹک کے بنے تھیلوں اور اخبارات کو مائیکرو ویو سے دور رکھیں۔ماہرین کا کہنا ہے کہ یہ چیزیں مائیکرو ویو میں آگ لگنے کا سبب بن سکتی ہیں اور اس سے زہریلے دھویں کا اخراج کا خطرہ بھی ہوتا ہے ۔یہی وجہ ہے کہ اس حوالے سے احتیاط ضروری ہے۔

چینی ساختہ ڈبے (Chinese Take-Out Container)

کریٹیو کامنز فوٹو
کریٹیو کامنز فوٹو

اگر تو آپ اپنے کچن میں آگ کو بھڑکتے نہیں دیکھنا چاہتے تو کبھی بھی چینی ساختہ ڈبے یا چائینیز کنٹینر کو مائیکرویو میں مت رکھیں۔ درحقیقت مائیکرو ویو دھات یا میٹل کو برداشت نہیں کرسکتا اور ان ڈبوں میں یہ کسی حد تک شامل ہوتا ہے جس سے آگ پکڑنے کا خطرہ بڑھ جاتا ہے۔اسی طرح عام چمچ، دھاتی برتن یا ڈبے بھی کبھی مائیکروویو میں رکھ کر اسے چلانے کی کوشش نہ کریں۔

دہی کے ڈبے

کریٹیو کامنز فوٹو
کریٹیو کامنز فوٹو

ایک بار ہی استعمال ہونے والے پلاسٹک کے ڈبے جیسے دہی، مکھن یا کریم وغیرہ کے ڈبے مائیکرو ویو میں رکھنے سے گریز کریں یا مجبوری ہو تو احتیاط برتیں۔ ان ڈبوں میں رکھی اشیاء کو بہت زیادہ ڈگری پر گرم کرنا منسب نہیں کیونکہ مائیکروویو کے چلنے کے دوران ڈبوں کے پگھلنے کا عمل شروع ہوجا تا ہے اور اس سے کیمیکل آپ کے کھانے میں شامل ہونے لگتا ہے۔

انڈے

کریٹیو کامنز فوٹو
کریٹیو کامنز فوٹو

مائکروویو اوون میں انڈوں کو ابالنا آپ کو مشکل میں ڈال سکتا ہے، اگر آپ انڈوں کو مائیکرو ویو میں ابالنے کی کوشش کررہے ہیں تو آخر میں ہوسکتا ہے کہ آپ کو بہت زیادہ صفائی کی ضرورت پڑے۔ مائیکرویو میں بہت تیزی سے بڑھنے والی حرارت انڈے میں کافی دھواں پیدا کردیتی ہے اور وہ پھٹ جاتا ہے۔

پھل

کریٹیو کامنز فوٹو
کریٹیو کامنز فوٹو

کچھ پھل ہوسکتا ہے کہ مائیکرو ویو اوون کا درجہ حرارت برداشت کرلیں مگر سب نہیں۔ ایسے کرنے کی کوشش میں انگور تو دھماکے سے پھٹیں گے جبکہ کشمش سے دھواں نکلنے لگے گا سو احتیاط سے کام لیں۔

ٹماٹو کیچپ یا ساس وغیرہ کو بغیر ڈھکن کے گرم کرنا

کریٹیو کامنز فوٹو
کریٹیو کامنز فوٹو

ٹماٹو کیچپ یا ریڈ ساس وغیرہ کو بغیر ڈھکن والے برتن کے گرم کرنے کا عمل آپ کے لیے صرف گندگی پھیلانے کا باعث بنا سکتا ہے اور اس کے ذمہ دار بھی آپ خود ہی ہوں گے۔

مرچیں

کریٹیو کامنز فوٹو
کریٹیو کامنز فوٹو

مرچیں بھی اس معاملے میں کسی سے کم نہیں کیونکہ یہ بھی آگ بھڑکنے کا سبب بن سکتی ہیں جبکہ جب آپ مائیکرو کھولیں گے تو نہ صرف اس کا دھواں حلق میں درد اور کھانسی کا باعث بنے گا بلکہ آنکھوں کے لیے خاصا نقصان دہ ثابت ہو سکتا ہے اور یہ کوئی مذاق نہیں۔

ٹریول مگ

کریٹیو کامنز فوٹو
کریٹیو کامنز فوٹو

بیشتر ٹریول مگز مائیکرو ویو میں رکھنا محفوظ نہیں ہوتا کیونکہ یہ اسٹین لیس اسٹیل سے بنے ہوتے ہیں۔ یہ اسٹیل اس کے اندر کافی یا چائے کو گرم ہونے نہیں دیتی بلکہ الٹا مائیکروویو کو ہی نقصان پہنچا دیتی ہے۔ اگر یہ مگ پلاسٹک کے ہیں تو ان کے نیچے چیک کرلیں کہ یہ مائیکرو ویو کے لیے محفوظ ہیں یا نہیں۔

المونیم فوائل

کریٹیو کامنز فوٹو
کریٹیو کامنز فوٹو

مائیکرو ویو میں کسی بھی قسم کا میٹل چاہے وہ المونیم فوائل ہی کیوں نہ ہو، کسی صورت اندر گرم ہونے کے لیے رکھنا چاہئے اور اگر آپ ایسی ہمت کرتے ہیں تو پہلے آگ بجھانے کے آلات کی موجودگی کو بھی یقینی بنالیں۔

کچھ بھی نہیں

کریٹیو کامنز فوٹو
کریٹیو کامنز فوٹو

اگر تو آپ نے مذاق مذاق میں یا بے خیالی میں ہی مائیکرو ویو کو خالی ہی چلا دیا ہے تو ایک بڑا دھماکہ بھی ہوسکتا ہے، کیونکہ جب مائیکرو ویو کے اندر درجہ حرارت کی لہریں کسی چیز میں جذب نہیں ہوتیں تو وہ مائیکرو ویو کے اندر جذب ہونے لگتی ہیں اور وہ پھٹ جاتا ہے سمجھ لیں جیسے خودکش حملہ کرلیتا ہے۔

اپنی رائے دیں

%d bloggers like this: