بنیادی صفحہ » خبریں »

اگلی حکومت کو مسائل میں گھرا پاکستان ملے گا: عمران خان

Try WordPress Hosting Free for 30 Days | Cloudaccess.net

اگلی حکومت کو مسائل میں گھرا پاکستان ملے گا: عمران خان

چیئرمین پی ٹی آئی عمران خان کا کہنا ہے کہ پاکستان کو بہت سے چیلنجز کا سامنا ہے اور جو اقتدار سنبھالے گا اس کے لیے بحران میں گھرا پاکستان ہوگا۔

لاہور میں ایک تقریب سے خطاب کرتے ہوئے چیئرمین تحریک انصاف عمران خان کا کہنا تھا کہ پاکستان جس مقصد کے لیے بنا تھا اس مقصد سے ہٹ گیا ہے، ماضی کی نسبت میں پاکستان کے قرضے دوگنے کردئیے جب کہ پاکستان کو بہت سے چیلنجز کا سامنا ہے، جو اقتدار سنبھالے گا اس کے لیے بحران میں گھرا پاکستان ہوگا۔

عمران خان کا کہنا تھا کہ کچھ لوگوں کا مقصد سیاست میں آکر پیسا بنانا ہوتا ہے، مجھے سیاست میں آنے کی ضرورت نہیں تھی ، سیاست ایک مقصد کے لیے کر رہا ہوں جب کہ اوپربیٹھے لوگوں کا مقصد پیسہ بنا کرباہر لے جانا ہو تو کوئی ملک ترقی نہیں کرسکتا، ملک نیچے جارہاہے، وزیراعظم کے کپڑے اتارلئے جاتے ہیں۔ انہوں نے کہا کہ میں نے آخری دو سال کینسر اسپتال کے لیے کرکٹ کھیلی، جس معاشرے میں انصاف نہ ملے وہ آگے نہیں جاسکتا۔

چیئرمین پی ٹی آئی کا کہنا تھا کہ وزیراعظم، وزیرخزانہ منی لانڈرر ہیں، وزیراعلیٰ بھی منی لانڈرر اور قاتل ہے، وزیر ریلوے ہاوسنگ سوسائٹیز سے پیسہ بناتے ہیں، وزیرخارجہ کسی اور ملک کی کمپنی سے تنخواہ لے رہا ہے جب کہ ان کے اقتدارمیں آنےسے پہلے کے اثاثے دیکھ لیں اور بعد میں دیکھ لیں تو اثاثوں  کے فرق سے پتا چل جائے گا یہ سیاست میں کیوں آئے۔ انہوں نے کہا کہ یہ صرف اپنے 300 ارب روپے بچانے کیلئے نیلسن منڈیلا بنے پھررہے ہیں۔

اپنی رائے دیں

%d bloggers like this: