بنیادی صفحہ » تجزیہ » ’پاک بھارت جنگ کی بات کرنا احمقانہ سوچ کے مترادف ہے‘
Try WordPress Hosting Free for 30 Days | Cloudaccess.net

’پاک بھارت جنگ کی بات کرنا احمقانہ سوچ کے مترادف ہے‘

اسلام آباد: وفاقی وزیرِ اطلاعات فواد چوہدری کا کہنا ہے کہ پاکستان اور بھارت ایٹمی قوتیں ہیں، دونوں ممالک کے درمیان جنگ کی بات کرنا احمقانہ سوچ کے مترادف ہے۔

وفاقی وزیرِ اطلاعات نے بھارتی اخبار کو انٹرویو دیتے ہوئے کہا کہ جنگ کسی مسئلے کا حل نہیں ہے، پاکستان اب بھی بھارت کے ساتھ تمام مسائل پر بات چیت کے لیے تیار ہے۔

ان کا کہنا تھا کہ پاکستان اور بھارت کے درمیان اصل مسئلہ صرف کشمیر کا ہے۔

خیال رہے کہ پاکستان کے وزیرِاعظم عمران خان نے بھارتی وزیرِ اعظم کو خط لکھ کر دونوں ممالک کے درمیان دوبارہ باقاعدہ مذاکرات شروع کرنے کی دعوت دی تھی جبکہ اس کے ساتھ ساتھ اقوامِ متحدہ کی جنرل اسمبلی کے اجلاس کے دوران دونوں ممالک کے وزرائے خارجہ کی ملاقات کا بھی اظہار کیا تھا۔

بھارت کی جانب سے پاکستان کی یہ پیشکش پہلے قبول کرلی گئی تھی بعد میں اس نے فوجی کی مبینہ ہلاکت کا الزام پاکستان پر لگاکر وزرائے خارجہ کی ملاقات سے پیچھے ہٹ گیا تھا۔

بعدِازاں بھارتی آرمی چیف نے ایک بیان دیا جس میں ان کا کہنا تھا کہ وہ پاکستان کے خلاف کارروائی کرنے والے ہیں جو ایک سرپرائز ہوگا۔

بھارتی آرمی چیف کے بیان پر ردِ عمل دیتے ہوئے پاک فوج کے ترجمان میجر جنرل آصف غفور کا کہنا تھا کہ پاکستان کی امن کی کوشش کو کمزوری نہ سمجھا جائے، پاکستان جنگ کے لیے تیار ہے۔

اپنی رائے دیں

%d bloggers like this: